លោកអ្នក បានជ្រាបរួចមកហើយថា ក្នុងរយៈពេលប៉ុន្មានថ្ងៃចុងក្រោយនេះ មនុស្សម្នាក់ផ្អើលនាំគ្នាទៅទិញ ដំបងយក្សសំប៉ែត យ៉ាងភ្លូកទឹកភ្លូកដី ជាហេតុធ្វើឲ្យរុក្ខជាតិប្រភេទនេះ អាចលក់បាន១គីឡូក្រាម តម្លៃចន្លោះពី១ម៉ឺន ទៅ១ម៉ឺនជាង អាស្រ័យតាមទីតាំងជាក់ស្ដែង។
ការផ្អើលនាំគ្នាទៅទិញបែបនេះ ធ្វើឡើងក្រោយពីអ្នកលេងទីកតុកមួយចំនួន និងតារាចម្រៀង ទេព បូព្រឹក្ស ឡាយញុំា យ៉ាងទំនង ហើយថា ឆ្ងាញ់ខ្លាំងណាស់។ ប្រការនេះ ត្រូវបាន អាចារ្យធំ នគររាជ ឡាយវីដេអូ ពន្លះឥតសំចៃ ប្រើសម្ដីធ្ងន់ៗ ចំពោះអ្នកឡាយ ធ្វើឲ្យគេនាំគ្នាទិញតាមនោះ ដោយលោក លើកហេតុផលថា វាជាប្រភេទរុក្ខជាតិពុល ហើយដំបងយក្ស ដែលអាចញុំាបាន ភាគច្រើនដុះនៅប្រទេសគេនោះ។
ទំនងជាការឆ្លើយតបចំពោះរឿងនេះ នៅយប់ថ្ងៃទី២៩ ខែកញ្ញា ឆ្នាំ២០២១ តារាចម្រៀង ទេព បូព្រឹក្ស ដែលធ្លាប់តែឡាយញុំាបណ្ដើរសើចបណ្ដើរនោះ បែរជាឡាយបណ្ដើរ យំបណ្ដើរវិញ ដោយរៀបរាប់ទាំងអួលដើម.កថា «ដូចអារឿងខ្ញុំញុំា ខ្ញុំប្រាប់ហើយប្រាប់ទៀតថា ខ្ញុំឃើញបងស្រីណាទេ គាត់ខ្ញុំនៅក្នុងទីកតុក គាត់ញុំាទំនងមែនទែន បងស្រីហ្នឹងគាត់ញុំាមុនខ្ញុំទៀត ខ្ញុំឃើញគាត់ ទើបខ្ញុំចង់ញុំាអាហ្នឹងដែរ ហើយខ្ញុំទៅទិញអាហ្នឹងញុំា
មិនមែនទៅទិញទៀត ខ្ញុំទៅរក ហើយទម្រាំរកបាន ខ្ញុំខ្លាចពុលដូចគ្នា ខ្ញុំអត់ដឹងថា គេញុំាប្រភេទមួយណាទេ ខ្ញុំក៏សួរពូខ្ញុំនៅខេត្ត គាត់ថា នៅកន្លែង ដូចជាផ្ទះម៉ាក់យាយ ឬជិតផ្ទះគាត់ទេ មានដើមហ្នឹង អញ្ចឹងគាត់បេះហើយគាត់ថា ចាំពូសាកមុន ថា អាហ្នឹងគេញុំាកើតអត់ ដល់ពេលហើយចឹងទៅ គាត់ក៏សាក គាត់ថា ញុំាហើយអត់មានកើតអីទេ អីចឹងហែងចង់ញុំា ញុំាទៅ
ដំបូងគាត់យកឲ្យខ្ញុំហ្នឹង គាត់ញុំាមុនក្មួយដែរ ចង់និយាយអញ្ចេក ខ្ញុំខ្លាចពុលដែរតើ តែដល់ពេលក្រោយៗមក ខ្ញុំឃើញមានគេលក់អាហ្នឹង ក៏ខ្ញុំអត់ដឹងថា គេមានលក់នៅឯណានៅអាណី ដែរ ព្រោះខ្ញុំអត់មានហ្វេសប៊ុកមើលទៅទេ ហ្វេសប៊ុកខ្ញុំចូលទៅមើលទៅ ឈ្មោះអាខោន Sim Teb Boprek ចង់និយាយថាហ្វេសប៊ុកខ្ញុំវាខូច ខ្ញុំបើកមើលអីអត់បានទេ រយៈពេលប៉ុន្មានខែហើយ ខ្ញុំមានតែផេក ដែលឡាយនេះ
អញ្ចឹងបានខ្ញុំចង់និយាយថា ពេលខ្លះកុំដោយសារតែ ធើអីយើងធើតែយើង យើងធើអី យើងកុំប៉ះពាល់ឈ្មោះគេ ដូចមនុស្សចឹង ឥឡូវឧទាហរណ៍ដូចម្រះអញ្ចឹង ខ្ញុំញុំាឲ្យបងប្អូនមើល ខ្ញុំអាចញុំាឆៅបាន ខ្ញុំចូលចិត្តញុំា ឬក៏ម្ទេសខ្ញុំអាចញុំាបាន តែបងប្អូនញុំាម្ទេសអត់បានទេ បងប្អូនអត់ចេះហូបម្ទេស
ដូចម្រះអ្នកខ្លះគាត់ធុំក្រពុល គាត់ញុំាអត់បាន តែខ្ញុំញុំាបាន…ហើយខ្ញុំឃើញ ដូចវីដេអូ បងសួយ គាត់និយាយពីខ្ញុំ គាត់និយាយលេងទេ ឲ្យចេះដឹងគេនិយាយលេង គេនិយាយសើចខ្លះផង ដល់ពេលអ្នកចូលខំមិន ទៅជាចូលខំមិនជេរខ្ញុំ មីហ្នឹងឆ្កួត មីហ្នឹងឡប់…យូរអត់ដឹងគេនិយាយលេង ធ្វើដូចគាត់និយាយមែនទែន…»៕ ដើម្បីជ្រាបច្បាស់ជាងនេះទៀត សូមទស្សនា វីដេអូ ខាងក្រោមនេះ ៖
