លោកអ្នក បានជ្រាបរួចមកហើយថា មួយរយៈចុងក្រោយនេះ ប្រជាប្រិយភាពរបស់តារាចម្រៀង សួស វីហ្សា ហក់ឡើងសឹងមិនគួរឲ្យជឿ ដោយរាល់ការឡាយលក់ផលិតផលរបស់នាង មានអ្នកទស្សនាច្រើនលើសលប់មិនធ្លាប់មានកន្លងមក។
ទោះយ៉ាងណា ស្របពេលប្រជាប្រិយភាព កំពុងហក់ឡើងខ្ពស់នោះ ស្រាប់តែ គណនីហ្វេសប៊ុក របស់តារាចម្រៀង មានដើមកំណើតពីខេត្តស្វាយរៀងរូបនេះ ត្រូវបានគេHackយកទៅគ្រប់គ្រង ហើយលោកថមមី ជាស្វាមី ក៏បានទៅដាក់ពាក្យបណ្ដឹងនៅក្រសួងរួចរាល់ហើយដែរ។
ជាក់ស្ដែង នៅថ្ងៃទី២៩ ខែកញ្ញា ឆ្នាំ២០២១ នេះ លោកថមមី បានបង្ហោះស្ក្រីនសត សារគណនីហ្វេសប៊ុករបស់សួស វីហ្សា ឆាតទៅខ្ចីលុយ កាកាអូស្ត្រាលី អមដោយសារបញ្ជាក់ថា «ជម្រាបសួរបងប្អូន សូមប្រកាសថា ពេលនេះAccount Facebook របស់ប្រពន្ធខ្ញុំ ត្រូវបានជនថោកទាប Hackយកទៅបាត់ហើយ ដូច្នេះ បើឃើញវាឆាតទៅសូមកុំឆ្លើយតបជាមួយវា យើងខ្ញុំសុំមិនទទួលខុសត្រូវទេ សូមបងប្អូនជួយShareផង»។
តាមរយៈនេះ មានការផ្ដល់យោបល់ដល់លោកថមមីថា «ទៅក្រសួងអោយគេយកវិញមកប្រូ»។ ជាការឆ្លើយតប លោកថមមី បានបញ្ជាក់ថា «រួចរាល់ហើយបង ខ្មែរយើងជាអ្នកហេក»។ ក្នុងនោះដែរ តារាចម្រៀង ករុណាពេជ្រ បានផ្ដល់យោបល់ដែរថា «ប្រយ័ត្ន លុយក្នុង កុង ប្រូ»។ ជាការឆ្លើយតប ថមមី បញ្ជាក់ថា «block អស់ហើយបង»៕
