ភ្នំពេញ ៖ គេនៅចាំបានថា កន្លងមក តារាសម្តែងនាង លី ច័ន្ទសីហា បានសម្រេចបិទបេះដូងមួយរយៈ បន្ទាប់ពីនាងបានជួបប្រទះការបែកបាក់ស្វាមី បន្សល់ទុកកូនស្រីមួយរូបជាចំណងដៃនោះ។ លី ច័ន្ទសីហា បានបែកបាក់ស្វាមី បានប្រមាណជិត៣ឆ្នាំមកហើយ ខណៈពេលដែលដំណឹងនៃការបែកបាក់ស្វាមីពីតារាសម្តែងពូកែបង្ហូរទឹកភ្នែករូបនេះ ហាក់មិនសូវបានប្រកាសឲ្យដឹងជាទូទៅឡើយ ក្នុងពេលដែលតារារូបនេះ បានបញ្ជ្រាបខ្លួនចូលក្នុងសិល្បៈជាបណ្តើរៗឡើងវិញនាពេលកន្លងមក។ លី ច័ន្ទសីហា បានបង្ហាញមុខជាបន្តបន្ទាប់ក្នុងកម្មវិធីអ្នកសិល្បៈផ្សេងៗ និងខ្សែភាពយន្តខ្នាតខ្លី ជាមួយនឹងរូបសម្រស់ស្រស់ប្លែកជាងពីពេលមុន ក្រោយពេលដែលនាងបានបែកបាក់ស្វាមី ដែលជាមន្ត្រីមានបុណ្យស័ក្ដិខ្ពស់មួយរូប។ យ៉ាងណា បើទោះបីជារក្សាបាននូវរូបសម្រស់ឲ្យនៅស្រស់សោភាយ៉ាងណាក៏ដោយ ប៉ុន្តែ លី ច័ន្ទសីហា បានអះអាងថា នាងមិនទាន់គិតរឿងមានគ្រួសារថ្មីនាពេលនេះឡើយ ដោយសារតែនាងជាប់ភារកិច្ចបីបាច់ថែរក្សាកូនស្រី និងមុខរបររកស៊ីមួយចំនួនទៀត។ នាងបញ្ជាក់នាពេលនោះ ថា បច្ចុប្បន្នក្រៅពីការងារមើលថែកូន នាងក៏លក់គ្រឿងសម្អាងមួយចំនួនតាមអនឡាញ និងការងារលក់ដីឡូតិ៍ ដែលការងារទាំងអស់បានធ្វើឲ្យនាងមានភាពមមាញឹកច្រើន ស្ទើរតែមិនមានពេលសម្រាប់ការងារសិល្បៈ។ ងាកមកចាប់អារម្មណ៍ នៅព្រឹកថ្ងៃទី១៤ ខែមេសា ឆ្នាំ២០២១នេះ ក្រោយទេវតាឆ្នាំថ្មី យាងចុះ បានប៉ុន្មានម៉ោង លី ច័ន្ទសីហា បានបង្ហោះរូបថតគ្រងឈុតជាទេវតាជាមួយកូនស្រីសំណព្វចិត្ត អមដោយសារដ៏ចាប់អារម្មណ៍ថា «ម្តាយពិតជាមានមោទនភាពខ្លាំងណាស់ ដលកូនតូចរបស់ម៉ែ ចេះគោរព ដឹងគុណ កូនជាគ្រាន់ពេជ្រ ជាកែវភ្នែករបស់👁ម៉ែ ជាបេះដូង ម្តាយជូនពរកូន សូមកូនជាមនុស្សល្អ មានគុណធម៍ មានចិត្តធម៍ ក្នុងសង្គមជាតិ ជាមនុស្សស្រីដែរមានសំណាង Chan Lyrachana»៕ សូមទស្សនារូបភាពខាងក្រោមនេះ ៖
អានបន្តឆ្លាតណាស់! លី ច័ន្ទសីហា បង្ហោះរូបភាពប៉ុន្មានសន្លឹក ថតជាមួយកូនស្រីសំណព្វចិត្ត ដោយភ្ជាប់ពាក្យមួយឃ្លាថា……
